Խոսիր այն ժամանակ, երբ խոսելդ լռելուց ավելի խելացի կլինի...

Հիշում եմ, հազիվ  8 տարեկան  էի, երբ առաջին անգամ սկսեցի ունկնդրել "Արձագանք" խմբի երգերից:Առաջին երգը, որ մանկությանս տարիներին լսում էի, դա "Կենցաղային երգն" էր, որը մինչև օրս ունկնդրում եմ և շատ սիրում եմ:Եվ ամեն տարի որպես կանոն "Արձագանք ռադիոկայանի" եթերով շնորհավորում էին իմ ծննդյան տարեդարձը: Սա այն ամեն լավագույնն է, որ մինչև օրս վառ է մնացել իմ մեջ և այդ վառ մնացած հիշողությունները գնալով  թարմանում են, որովհետև պատիվ եմ ունենում մասնակցելու այս խմբի համերգներին:

Այսօր` Գ.Սունդուկյանի ազգային ակադեմիական թատրոնում տեղի ունեցավ "Արձագանք" խմբի շատ սպասված համերգը:Համերգ, որին  բոլորը սպասում էին շատ մեծ խանդավառությամբ:Դահլիճը լեփ-լեցուն էր, համերգին ներկա էր նաև ՀՀ առաջին տիկին` Ռիտա Սարգսյանը:

Համերգին հնչեցին "Իմ ընկեր", "Անահիտ","Ծնունդդ շնորհավոր", "Ինչ-որ մի օր","Ռամիկը երբեք աղա չի դառնա" և այլ երգեր նրանց երգացանկից:Արտավազդ Բայաթյանը իր գեղեցիկ մեկնաբանություններով և անեկդոտներով ավելի էր ամբողջացնում իրենց համարները:

Նույնիսկ եղան կատարումներ, որ հնչեցին երկու անգամ:Եվ հենց այդ կատարումներից մեկն էլ իմ շատ սիրելի "Անահիտ" երգն էր: 

Արտավազդ Բայաթյան (նախորդ համերգից)

Սպասված...սիրելի...Նույնիսկ մի քանի տարի հետո անգամ այս երգերը չեն "հնանալու",որովհետև ունեն իրենց ուրույն տեղը:

Read More

Վաղը..Մնաց 1 օր

Read More

Մնաց 2 օր

Read More

Մնաց 3 օր

Read More

Արձագանք

1960-ականներ...15-16 տարեկան պատանիներ:Սովետմիության կարգերն ամուր դրել էին իրենց հիմքերը: Այդ տարիներին ի հայտ գալն նորարարություն էր, ինքնաարտահայտվելու մի նոր ձև: Խումբը սկզբում երգում էր հանրաճանաչ երգեր, բայց հետո սկսեց հանդես գալ սեփական ստեղծագործություններով:Ստեղծագործություններ, որոնք գրված են արդիական թեմաներով և իրենց մեջ պարունակում են խորը իմաստներ:

Խումբը ստեղծվել է 1969-ին:Խմբի անդամներն են` Արտավազդ Բայաթյան` մենակատար, վոկալ,
         Եղիշե Պետրոսյան` կիթառ, 
         Վահան Օհանյան` բաս կիթառ, ստեղնաշարային      գործիքներ,
      Հրանտ Ասատրյան` ստեղնաշարային գործիքներ,
     Վաչագան Հայրապետյան` հարվածային գործիքներ:
   Վահան Օհանյանը մի քանի տարի առաջ մահացավ:

Բոլորի կողմից սիրելի, բոլորի կողմից սպասված...Յուրաքանչյուրիս էլ հայտնի են այս ստեղծագործությունները, թերևս թվեմ մի քանիսը. «Երբ», «Իմ ընկեր», «Ինչ-որ մի օր», «Նոր տարի» ,«Ծնունդդ շնորհավոր» ու էլի շատ ու շատ լավ երգեր:

Աճապարեք ձեռք բերել տոմսեր, որովհետև դեկտեմբերի 12-ին տեղի կունենա նրանց հերթական և շատ սպասված համերգը:

Read More

Մնաց 12 օր

Read More

Ի՞սկ դու այսօր երազանք պահել ես 11.11.11

Խելահեղ օր է: Չգիտես ինչու բոլորը չեն հավատում այսօրվան,  բայց իրենց հոգու խորքում պահում են շատ ցանկալի երազանքները:Չնայած եկեք խոստովանենք, որ այս ամենը շատերի համար ծիծաղելի է, չէ որ ապրում ենք 21-րդ դարում:Մի քանի ժամ աշխարհը խելահեղության եզրին էր,իսկ պատճառը այսօրվա ամսաթիվն էր` 6 միանման թվերի համադրությունը` 11.11.11:
Դեռ շաբաթներ առաջ մոլորակի բնակիչները անհամբեր սպասում էին այս մոգական ուրբաթին:Հենց միայն այն միտքը, որ նման համընկնումը լինում է միայն 100 տարին մեկ անգամ, արդեն իսկ խթանում էր նրանց երևակայությունը, հույսեր ներշնչում,որ ոչ միայն օրը, այլ նաև տարին պետք է անցնի բարգավաճման ու ներդաշնակության նշանի ներքո:Հենց միայն այսօր կայացած ամուսնությունների թիվը հավանաբար գերազանցեց աշխարհի բոլոր ռեկորդները: Այդ տենդից զերծ չմնաց նաև Հայաստանը, որտեղ 11.11.11-ի համար ցանկացել էին գրանցվել դեռևս ապրիլից: Բավական մեծ հերթեր էին գոյացել գործակալություններում՝ մեծ նշանակություն տալով խորհրդանշական այս թվերին: Ամերիկացիներն այս առումով էլ ավելի հեռուն գնացին: Բազմաթիվ նորապսակ զույգեր ուղիղ ժամը 11-ին քայլերթ կատարեցին Նյու Յորքի Թայմզ-սքվերում և, ի դեպ, նրանց շարքերում քիչ չէին նաև միասեռ նորապսակները: Ինչ վերաբերում է առավել պրագմատիկ ամերիկացիներին, ապա վերջիններս վստահ, որ թվերի այս համադրությունը հաջողություն է բերելու, ճիշտ ժամը 11-ին Լաս Վեգասում խոշոր խաղադրույքներ կատարեցին: Դեռ հայտնի չէ՝ եղա՞ն մեծ շահումներ, թե ոչ, բայց մինչ այդ ազգագրագետները շտապեցին բացատրել, որ «գոլդ» թվերի նկատմամբ ընդգծված վերաբերմունքի երևույթը նոր աշխարհընկալման ժամանակի դրսևորումներից մեկն է, «երբ ժամանակի ընթացքը գնում է գծային, անընդհատ աճելով, ամեն մի թիվ դառնում է կարևոր», ինչը խոսում է այսօրվա մշակույթի ձևափոխման մասին, որի համար կարևոր են նաև թվերը: Ի դեպ, արժե հիշել, որ հատկապես մեր երկրում կրկնվող թվերին ոչ միայն ամուսնանալիս, այլև ավտոմեքենայի, հեռախոսի համարներ ընտրելիս է տրվում մեծ նշանակություն:

Վերադառնալով խելահեղության հաջորդ դրվագներին, արժե հիշատակել դրանցից մի քանիսը՝ հասկանալու համար, թե մարդիկ էլ ինչերի են ընդունակ դիմել՝ կյանքն առանձնահատուկ դարձնելու և կամ ձանձրույթը փարատելու համար: Օրինակ, Ղազախստանում 09.09.09 –ին հարսենական արարողություն անցկացրած զույգը որոշեց ոչ պակաս գեղեցիկ ձևով բաժանվել` ամուսնալուծության օր ընտրելով 11.11.11-ը: Massive Symphony նախաձեռնության անդամները երաժշտության միջոցով միավորեցին աշխարհի միլիոնավոր սմարթֆոնները, և ամբողջ աշխարհում «նվագեց» էլեկտրոնային սարքերի ամենամեծ «նվագախումբը», որին մասնակից դառնալու համար օգտագործողները տեղադրեցին «111111» անվճար հավելվածը, իսկ մեղեդին էլ հատված էր Բեթհովենի 5-րդ սիմֆոնիայից: Տասնմեկերորդ օրվա ժամը 11-ին հայտարարվեց «Յոթ նոր հրաշալիքներ» հիմնադրամի սահմանած մրցույթի ավարտը և աշխարհը իմացավ բնության յոթ նոր հրաշալիքների մասին, որոնց ընտրարշավը սկսվել էր դեռևս չորս տարի առաջ: Էկրան բարձրացավ սարսափ ֆիլմը՝ 11/11/11 հրեշի մասին, որը մեր աշխարհ էր թափանցել երկնքի 11-րդ դարպասից հենց նոյեմբերի 11-ին: Մոլորակի հազարավոր վաճառակետեր աղմկեցեն. «Միայն մեկ օր՝ 11.11.11, կգործի «թվերի մոգություն» ակցիան: Դուք կարող եք ձեռք բերել ձեր նախընտրած ապրանքները մոգական գներով:
Շտապեք լինել առաջինը՝ քանակները սահմանափակ են»: Եգիպտոսի իշխանությունը որոշեցին փակել Գիզայի եգիպտական բուրգերը, որպեսզի խուսափեն այնտեղ իրականացվող տարբեր ծիսակարգերից: Փոխարենը, ինչպես տեղեկացրեց La Stampa պարբերականը, իտալացի էզոթերիկները բոլոր ցանկացողներին հավաքեցին Շոտլանդիայի Էդինբուրգ քաղաքում, որպեսզի տեսնեն «տիեզերական պորտալի» բացումը, որը կոչված է արթնացնելու կունդալինի էներգիան, ինչի արդյունքում էլ մարդկությունը կանցնի «գերմտավոր գոյության»: Չինաստանում ստեղծեց ամենամեծ եռաչափ նկարը ասֆալտի վրա` այս կերպ տոնելով «բոլոր մեկերի օրը»: 1111 քմ տարածքով 3D հսկայական նկարը գտնվում էր Շանհայում ու պատկերում էր ծաղրածուի կերպարանքով հսկայական մի ռոբոտ: Հետո նույն այդ երկրում որոշեցին, որ մեծ գաղտնիքը թաքնված է հենց չինական ֆեն-շու ուսմունքում, ըստ որի` 1-երի տարին աննախադեպ հաջողությունների ժամանակ է համարվում:
Երևանը ևս չցանկացավ ետ մնալ աշխարհի քաղաքներից: Այսօր ժամը 11: 00-ին անցկացվեց միանգամից երկու ֆլեշմոբ: Մեկը սկսվեց Հանրապետության հրապարակից և ավարտվեց Ազատության հրապարակում, իսկ մյուսը կայացավ Մյասնիկյանի արձանի հարևանությամբ, որտեղ հավաքվածները գրեցին իրենց երազանքները ու, հավատարիմ մնալով հայկական ավանդույթին, դրանք ամրացրեցին ծառերի վրա՝ համոզված, որ բարի երազանքերն անպայման իրականություն կդառնան:
Իսկ հետո… Իսկ հետո ժամանակը սլացավ առաջ: 11-ը դարձավ 12 և այդպես շարունակ՝ թիկունքում թողնելով այն բացառիկ պահը, որը գուցե թե իրականության մեջ ոչինչ էլ չէր նշանակում, սակայն մեծ էր դրա մեջ խորհուրդ տեսնելու ցանկությունը: 

 

Read More

Երկչոտություն

Միայն երկչոտ, անվստահ մարդիկ են վախենում պաուզաներից,չիմանալով ինչ ասել` խճճվում են անկապ ֆրազների մեջ:Եվ հայտնվում ծիծաղելի վիճակում:Բայց... կան մարդիկ, որ կարողանում են լռության դադար վերցնել այնքան վեհաշուք և տիրաբար, որ նույնիսկ տիեզերքն է քարանում անհամբերությունից` սպասելով պատասխանին:Խորհրդավորության գաղտնիքը, հավանաբար, ձայնի մոգական ուժն է:

Read More

Հպարտ մեկը

Հազարամյակների պատմությունը ցույց է տվել, որ տարբեր մարդիկ տարբեր կերպով են ընկալում "հպարտ" բառի իմաստը:Մեկը իր նախնիներով է հպարտ,մյուսը` ծնողներով, իսկ մեկ ուրիշն էլ անվամբ կամ էլ նույնիսկ ազգանվամբ:
Քրիստոնեությունը հպարտությունը դասել է մահացու մեղքերի շարքը:Հենց հպարտությունը սեփական անձի կարևորության զգացումն է դառնում տառապանքների, հիվանդությունների և հաճախ էլ մահվան պատճառ:Հպարտությունը բոլոր կործանարար մտքերի և հույզերի աղբյուրն է:Սեփական անձի գերակայության զգացումը հանգեցնում է նրան, որ մարդ ուրիշներին սկսում է ստորացնել,նսեմացնել:Առաջանում է ենթագիտակցական ահռելի ագրեսիա,ինչը ժամանակի ընթաքում շրջվում է նույն այդ մարդու դեմ:Հպարտ, մեծամիտ մարդն իր բանականությունը, կարողությունը բարձր է դասում այս աշխարհում ամեն ինչից և բոլորից:Նա շրջապատող աշխարհի մասին իր պատկերացումն ունի և վստահ է, որ հենց այդ պատկերացումն է ամենաճիշտը լավագույնը:Նա ձգտում է իրեն ենթարկել շրջապատող աշխարհը և հաճախ դա անում է բռնությամբ:Իսկ իր պատկերացումների և իրականության անհամապատասխանության դեպքում նրա հոգում ծնվում են ագրեսիվ հույզեր` չարություն, վիրավորվածություն,ատելություն, արհամարհանք,նախանձ և այլն:Սրանք էլ հանգեցնում են տարբեր հիվանդությունների:Հպարտությունը սեփական անձը գերագնահատելու սովորությունն է,դրա հետևանքով` Տիեզերքում իր իրական տեղը չգտնելը և այս կյանքում նպատակի գիտակցության բացակայությունը:Նման մարդիկ իրենց ամբողջ էներգիան վատնում են, աշխարհի հետ "պատերազմելով", ապացուցելու համար իրենց ճշմարտացիությունը:Հպարտության խորքում , այնուամենայնիվ,կա դրական միտում ձգտել կատարելության և կատարելագործել աշխարհը,գիտակցել սեփական բացառիկությունը, արժեքը:Ոչ ոք չի ցանկանում ապրել իզուր և անիմաստ:Բայց սեփական արժեքը և կարևորությունը հաստատել ուրիշներին նսեմացնելու հաշվին` նշանակում է ենթագիտակցության մեջ "փայփայել" այլ աշխարհների ոչնչացման ծրագիր:Եթե ես ամենալավն եմ և ամենաբարձրը, ուրեմն մյուսները վատն են ու ցածր:Որքան վեր է դասում մարդն իրեն իր շրջապատից, այնքան մեծ է լինում նրա անկումը:Հպարտ մարդը փակ է:Չկամենալով ընդունել ուրիշ մարդկանց ձգտումները և առանձնահատկությունները նա ինքն իրեն է աղքատացնում:վերջին հաշվով հայտնվում է միայնության մեջ:

Բայց հպարտությունը միայն սեփական անձը բարձր դասելը, շրջապատող աշխարհի և ուրիշների նկատմամբ մեծամիտ վերաբերմունքը չէ, այլև սեփական անձը ստորացնելը, թերագնահատելը:Մարդ իր նկատմամբ նման վերաբերմունք ունի , երբ չի սիրում ինքն իրեն:
Ազատվելու համար հպարտության զգացումից պետք է սովորել իրավիճակը, կյանքն ընդունել այնպիսին, ինչպիսին որ կա:Եվ հիշել, որ մենք ինքներս ենք ստեղծում այդ իրավիճակները և մեր կյանքն ամբողջապես:Սովորենք ներել մարդկանց,քանի որ ներելով ուրիշին,մենք ներում ենք ինքներս մեզ:
Հպարտությունն ու այն սարսափելի զգացումները, որոնք ծնվում են հպարտության անունից, սպանում են հոգումդ եղած ողջ սերն ու բարությունը:Դու արդեն չես գիտակցում քայլերիդ ծանրությունն ու փորձում ես քո անհեթեթ պատճառաբանությունները քողարկել "հպարտություն" կոչվածի տակ:Բայց դու չգիտես, թե որն է հպարտությունը...  

Read More

Վարդավառ

Պատկերացրեք,որ ամռան շոգին քայլում եք ժամանակակից մայրաքաղաքների փողոցներից մեկով:Վազելով Ձեզ են մոտենում մի խումբ երեխաներ կամ երիտասարդներ ու դույլերով ջուր լցնում Ձեր վրա...Դուք ապշած եք, շփոթված ու չգիտեք ինչ անել:Դիմել ոստիկանություն, բողոքել, լաց լինել, ո՞րն է ելքը:Դժվար է պատասխանել այս հարցին,եթե Դուք Գերմանիայում եք,Ֆրանսիայում,Ռուսաստանում կամ մեկ այլ երկրում:Սակայն եթե դուք Հայաստանում եք,պատասխանը շատ պարզ է,Ձեզ մնում է միայն ժպտալ ու մի լավ ծիծաղել, քանի որ այստեղ Սուրբ Զատիկին հաջորդող 14-րդ կիրակի օրը տոնում են Վարդավառ կոչվող ազգային-եկեղեցական տոնը, և միմյանց վրա ջուր լցնելու սովորույթը գալիս է դարերի խորքից(տոնը կարող է ընկնել հունիսի 28-ից մինչև օգոստոսի 1-ը):
Վարդավառը հայոց ամենասիրված,ամենաուրախ և հիշարժան տոներից մեկն է:Ըստ հնագույն լեգենդի` հեթանոսական շրջանում այն նվիրված էր սիրո ու ջրի հեթանոս աստվածուհի Աստղիկին,որը, վարդաջրեր ցողելով և վարդեր նվիրելով , սեր էր պարգևում մարդկանց:Ըստ որոշ մասնագետների` Վարդավառի տոնը կապված է Ջրհեղեղի և Նոյի` տապանից իջնելու հետ :Քրիստոնեության ընդունումից տոնը որոշ փոփոխություններ է կրել:Այժմ տոնը նվիրված է Քրիստոսի այլակերպման նշանավոր իրադարձությանը, երբ նա Թաբոր լեռան վրա երևացել է իր աշակերտներին պայծառացած կերպարանքով:
Վարդավառի տոնի ամենատարածված և հանդիսավոր սովորույթը միմյանց վրա ջուր լցնելն է, որը պահպանվել է մինչև մեր օրերը:Առավոտից ահել թե ջահել,կին թե տղամարդ,ծեր թե երեխա,ծանոթ թե անծանոթ,դույլերով և տարբեր տարաներով "ջրում են" միմյանց:Ոչ ոք չի նեղանում մյուսից:Այդ օրը մարդիկ ուրախ են, բարյացակամ,իսկ երեխաների և երիտասարդների համար այն տարվա ամենասպասված և սիրելի տոնն է:

Read More

Չորս կին` մեկ մարմին

Հուլիսի 13-ին կայացավ Արտավազդ Բայաթյանի հեղինակային մոնոլոգներից 4-ի հիման վրա բեմադրված "Չորս կին` մեկ մարմին" մոնոներկայացումը, որտեղ իր խաղով հանդես եկավ Անի Բայաթյանը:

Մոնոներկայացման առաջին մոնոլոգի` "Նամուսի զոհերի" հերոսուհին քսան տարվա մանկավարժ է,ով աման է լվանում:Հաջորդի հերոսուհին սովորական մի աղջիկ է,ով ամեն օր ստիպված է լինում օգտվել երթուղային տաքսիներից և պատմում է, թե ինչեր են տեղի ունենում ճանապարհին,ինչպես է երթուղային տաքսին ճակատագրական դառնում իր համար:Երրորդի` "Տանը մնացած"-ի հերոսուհին զբաղվում է տանը մնացած աղջիկների ամուսնությամբ, խորհուրդներ տալիս:Նա մի տգեղ կին է, ով ով շատերի կարծիքով չէր ամուսնանալու, բայց այդ խոսակցություններն առիթ են դարձել, որ տղամարդիկ նրան ավելի շուտ նկատեն, քան իր գեղեցիկ քույրերին:Հաջորդ` "SMS ծառայության" մոնոլոգի կերպարը բջջային օպերատոր է,ով իր վառ երևակայությամբ ստեղծել է հաղորդագրությունների մի մեծ փաթեթ:
Կերպարնեից յուրաքանչյուրն յուրովի է և յուրաքանչյուր կերպարին հատուկ է իր բնավորությունն ու դերասանական խաղը:

Read More

Ոսկե Ծիրան 2011

"Ոսկե Ծիրան" միջազգային կինոփառատոնը հիմնվել է Հայաստանի Հանրապետության մայրաքաղաք Երևանում 2004թ.-ին "Ոսկե Ծիրան" կինոյի զարգացման հիմնադրամի,Կինոգետների և կինոլրագրողների հայկական ասոցիացիայի կողմից:"Ոսկե Ծիրանի" կազմակերպիչներն են` փառատոնի գլխավոր տնօրեն,կինոռեժիսոր Հարություն Խաչատրյանը, ծրագրերի տնօրեն, կինոքննադատ Միքայել Ստամբոլցյանը և գեղարվեստական տնօրեն,կինոքննադատ Սուսաննա Հարությունյանը:Փառատոնը ֆիլմերի հիմնական մասը ամեն տարի ցուցադրվում են "Մոսկվա" և " Նաիրի" կինոթատրոններում:"Ոսկե Ծիրան" միջազգային կինոփառատոնի նշանաբանը ստեղծման պահից ի վեր "Քաղաքակրթությունների ու մշակույթների խաչմերուկ" է, որն ընտրված է Հայաստանի և աշխարհի միջև մշակութային կապերի և երկխոսության հաստատման ու խրախուսման նպատակով:
 "Ոսկե Ծիրան" միջազգային կինոփառատոնը Հայաստանի մայրաքաղաք Երևանում անցկացվող ամենամեծ, ամենամյա կինոփառատոնն է,որը հիմնադրվել է 2004 թվականին "Ոսկե Ծիրան" կինոյի զարգացման հիմնադրամի, Կինոգետների և կինոլրագրողների հայկական ասոցիացիայի կողմից և անցկացվում է հուլիսին:Փառատոնը ամեն տարի ներկայացնում է 120-150 ֆիլմեր մրցութային և արտամրցույթային տարբեր ծրագրերով:Վերջին տարիներին փառատոնը նաև Հայաստանում ամենակտիվ լուսաբանվող իրադարձություններից է:Փառատոնի բացման արարողության ժամանակ տեղի է ունենում արդեն ավանդական դարձած ծիրանօրհնեք:
Այսօր Երևանում մեկնարկում է Հայաստանում տարվա ամենակարևոր մշակութային միջոցառումներից մեկը` "Ոսկե Ծիրան" 7-րդ միջազգային ամենամյա կինոփառատոնը:

Read More

Fête de la musique à Erevan (Ֆրանսիայի "Երաժշտության տոնը"` Երեւանում)

"Երաժշտական տոնը" սկիզբ է առել 1982թ. Ֆրանսիայում նախագահ Ֆրանսուա Միտերանի աջակցությամբ:Ամեն տարի, աշխարհի տարբեր քաղաքների փողոցներում անց են կացվում երաժշտական միջոցառումներ:
30 տարի անց, այսօր արդեն համաշխարհային մեծության առաջին երաժշտական միջոցառումն է և տոնվում է աշխարհի ավելի քան 110 երկրներում և  430 քաղաքներում:<<Միջոցառման նպատակն է հանրամատչելի դարձնել երաժշտական փորձն ու բոլոր սերունդներին հաղորդակից դարձնել երաժշտության տարբեր դրսևորումներին, ինչպես նաև հնարավորություն տալ պրոֆեսիոնալ և ոչ պրոֆեսիոնալ կատարողներին ինքնադրսևորվել համպատրաստից համերգների միջոցով:Հուսանք, որ միջոցառմանը կմասնակցեն շատ մարդիկ և բոլորը կզգան երաժշտության տրոփյունն ու կփոխանցեն միմյանց>>,-նշել է ՀՀ Ֆրանսիայի արտակարգ և լիազոր դեսպան Անրի Ռեյնոյը:

Read More